民青局正副局長分途與民同樂　歡度國慶

民政及青年事務局局長麥美娟出席完國慶酒會之後，與副局長梁宏正兵分兩路，去到全港各區參與唔同嘅慶祝活動，與民同樂，同市民一齊歡度國慶！

麥美娟第二站去到西九戲曲中心，同80位來自本地四間中學嘅學生一齊觀賞中國傳統戲曲《南海十三郎》。之後就去到青衣參與「國慶千人武藝操大匯演」，同過千名來自「武藝校園」計劃先導學校嘅中小學生同賀國慶。

兩個活動都別具意義，既可鼓勵香港年輕一代認識中國傳統文化，亦有助同學們建立文化自信！晚上就當然唔少得參與國慶文藝晚會，以及欣賞喺維港上空舉行嘅煙花匯演啦！國慶煙花匯演相隔5年再度舉行，大家記得早啲搵定個靚位睇啦！

至於梁宏正副局長就去到深水埗參與「深水埗海濱嘉年華」，現場除咗有唔同嘅廣西特色攤位遊戲、精彩嘅街頭表演同街頭小食，亦有歌手表演，同市民一齊開開心心賀國慶！

麥美娟同梁宏正都話好開心可以同社會各界一齊，共享國慶喜悅，祝願國家繁榮昌盛、香港繁榮穩定，市民生活繼續幸福美滿