保安局稱跨部門團隊全力檢視新皇崗口岸每個細節　已為開通做好準備

保安局在社交平台上載影片及貼文，指出政府跨部門團隊，正全力檢視新皇崗口岸的每個細節，為開通做好準備。

保安局上載的片段可以看到，局長鄧炳強在新皇崗口岸視察，以及了解準備運作情況。局方形容現時是開通皇崗口岸的最後直路，為迎接口岸的開通，由出入境人流、車流安排，到交通配套、WiFi使用等每個細節都會逐一檢視，強調要讓市民有最方便的過關體驗。

保安局的貼文說：「困難由我哋解決，方便要留俾市民」呢句說話正正體現跨部門為迎接皇崗口岸開通而共同努力嘅信念。

為咗俾市民一個更完善嘅口岸體驗，跨部門團隊日以繼夜、全力以赴，唔單止追進度，更加係站喺市民角度，逐一檢視每個服務細節。由出入境人流車流安排，到交通配套、Wi-Fi使用、道路使用體驗；由燈光冷暖、大樓坐椅，到冷氣大細等等，一個又一個細節都關乎市民過關時嘅實際感受。

貼文稱，日與夜之間，團隊做嘅唔只係趕工，而係一步步將各項準備做到更周全，將可能遇到嘅困難逐一解決，將最方便嘅過關體驗留俾市民。小編今日就同大家分享下，跨部門團隊喺皇崗口岸嘅「日與夜」。