民青局正副局长分途与民同乐　欢度国庆

民政及青年事务局局长麦美娟出席完国庆酒会之后，与副局长梁宏正兵分两路，去到全港各区参与唔同嘅庆祝活动，与民同乐，同市民一齐欢度国庆！

麦美娟第二站去到西九戏曲中心，同80位来自本地四间中学嘅学生一齐观赏中国传统戏曲《南海十三郎》。之后就去到青衣参与“国庆千人武艺操大汇演”，同过千名来自“武艺校园”计划先导学校嘅中小学生同贺国庆。

两个活动都别具意义，既可鼓励香港年轻一代认识中国传统文化，亦有助同学们建立文化自信！晚上就当然唔少得参与国庆文艺晚会，以及欣赏喺维港上空举行嘅烟花汇演啦！国庆烟花汇演相隔5年再度举行，大家记得早啲揾定个靓位睇啦！

至于梁宏正副局长就去到深水埗参与“深水埗海滨嘉年华”，现场除咗有唔同嘅广西特色摊位游戏、精彩嘅街头表演同街头小食，亦有歌手表演，同市民一齐开开心心贺国庆！

麦美娟同梁宏正都话好开心可以同社会各界一齐，共享国庆喜悦，祝愿国家繁荣昌盛、香港繁荣稳定，市民生活继续幸福美满