政是政非﹕玩政治定系俾政治玩

政治依样嘢，其实同毒品差唔多，一般人唔会轻易触碰，但一旦沾咗落去，会愈玩愈上瘾，到咗后来不能自拔，分分钟命都冇埋。睇番本中史书，有关例子比比皆是。奈何，即便如此，仍然有人乐此不疲！

嗱，美国总统特朗普就系一个现实嘅例子啦。依个商界狂人，几年前贪得意踏入政圈，谂住参选总统搞下局，谁不知竟然获选总统，从此开始咗佢不一样嘅人生！咪以为做老板过瘾，原来做总统嘅过瘾程度不知高百倍千倍，睇吓佢上任唔够4年，翻手即云，覆手是雨嘅表演，成个地球几十个国家跟住佢转，简直可以话系为所欲为！以前佢做衰老板，最多俾行家唱、俾伙记闹啫，而家做衰政客，要系俾全世界嘅人闹！喂，系咪好似道友吸咗毒咁，自己顶瘾，但生人勿近呢？

其实喺香港，都有唔少人版，一班读饱书嘅律师，有专业唔做，走去搞政治，以为哗众取宠博取掌声，就可以无所不能。须知政治依家野一山还有一山高，卒之佢哋遭逢当头重击，回头太难了！今日俾警方拘捕嘅肥佬黎嘞，佢本来系制衣厂老板，改行做传媒，利用媒体嘅力量玩政治玩到出哂位，过瘾喇啩，结果又唔系引火自焚！冇错，人系政治嘅动物，做乜都离唔开政治，但冇人要你主动去拥抱佢，纠缠佢嘛，玩政治？分分钟俾政治玩呀，总之避得就避啦！

资深媒体人

玮公子